Улуттук банктын берген маалыматына ылайык, Кыргызстандын банк сектору негизги көрсөткүчтөр боюнча маанилүү өсүштү көрсөтүп жатат.
2025-жылдын 30-ноябрына карата өлкөдө 21 коммерциялык банк жана 306 филиалы иштеп жатат.
Ушул жылдын башынан бери банктардын активдери 44,9% га жогорулап, 1 трлн 181,8 млрд сомго жетти.
Кредиттик портфель 43,6% га жогорулап, 489,3 млрд сомду түздү.
Ислам финансылары сегментинде өзгөчө чоң өсүш байкалууда: ислам принциптери боюнча каржылоо көлөмү эки эсе көбөйүп, 18,1 млрд сомго жетти.
Депозиттер да оң тенденцияны көрсөтүп, 38,8% га жогорулап, 822,4 млрд сомду түздү.
Бул оң өзгөрүүлөр негизги көрсөткүчтөрдө банктын ишмердүүлүгүнүн кеңейүүсүн, жарандар жана бизнес тарабынан ишенимдин жогорулашын, ошондой эле өлкөнүн экономикасында активдүү кредиттөөнү көрсөтүп турат.
