Суу ресурстары, айыл чарба жана кайра иштетүү өнөр жайы министрлиги фермерлерди айыл чарба техникасы менен жабдуу жана модернизациялоо боюнча бир катар иш-чараларды өткөрүүдө.
2011-жылдан бери министрликтин демилгелери жана министрлер кабинетинин колдоосу менен «Айыл Банк» жана «Элдик Банк» акционердик коомунун алкагында 7 лизингдик долбоор ишке ашырылды.
Бул долбоорлор фермерлерге айыл чарба техникасын жана кайра иштетүү өнөр жайына керектүү жабдууларды 6% пайыздык ставкасында 7 жылга чейин лизингге алууга мүмкүндүк берет.
Бүгүнкү күндө мамлекеттик колдоонун жардамы менен фермерлерге жалпы суммасы 27,9 миллиард сомду түзгөн 9863 бирдик техника берилди, анын ичинде 2025-жылы берилген 2853 бирдик 9,8 миллиард сомго.
Бул демилгелер өлкөдөгү айыл чарбаны өнүктүрүү жана сапаттуу механизацияланган кызматтарды камсыздоодо маанилүү роль ойнойт.
