Жогорку Кеңештин спикери Нурланбек Тургунбек уулу жарандардан келип түшкөн кызматтардагы баалардын көтөрүлүшү боюнча көптөгөн арыздар тууралуу маалымат берип, жыйын өткөрдү.
Ал кафелерде жана ресторандарда баалардын 10-15%га көтөрүлгөнүн белгиледи.
«Азык-түлүк кызмат көрсөтүү жайларында сервис жыйымдарын жыйноого тыюу салган мыйзам ишкерлерге терс таасирин тийгизген жок. Алар жөн гана бул чыгымдарды тамак-аштын баасына киргизишти. Мындай мыйзам долбоорлорун сунуш кылардан мурун, кылдат анализ жүргүзүү маанилүү. Бишкектеги чач тарач, такси, кафе жана ресторандардагы кызматтардын баалары дүйнөдөгү ири шаарлардын бааларынан ашып кетүүдө. Министрлер кабинетине бул маселеге өзгөчө көңүл бурууну сунуштайм», — деди спикер.
