Алай районунда өткөн жыйындын жүрүшүндө өткөн жылдын ишинин жыйынтыктары талкууланып, 2026-жылга пландар белгиленди. Акимдин орун басарлары Шерикбай Жапаров жана Алтынбек Болбур уулу өздөрүнө караган багыттар боюнча кенен отчетторун слайддар менен көрсөтүп беришти.
Жыйында 2025-жылы райондо республикалык бюджеттин каражаттары менен 15 капиталдык курулуш объектиси курулгандыгы белгиленди. Мындан тышкары, Президенттин Стабилизациялык фондунан каржыланган калкты тейлөө борборунун долбоорун ишке ашыруу улантылууда.
Райондун акими Чынгыз Бапаев 2025-жылы көмүрдөгү аралашмалардын үлүшүнүн өткөн жылга салыштырмалуу өсүшү байкалганын, бул болсо таза көмүрдүн көлөмүнүн кыскаруусуна алып келгенин билдирди. Ал өндүрүштүн өсүү темптери да жайлаганын кошумчалады.
