Өз сөзүндө мэр 2025-жылы жасалган иштердин жыйынтыктарына токтолуп, 2026-жылга негизги максаттарды, милдеттерди жана приоритеттүү багыттарды белгиледи. Ал тартипти, жоопкерчиликти жана аткаруу дисциплинасын күчөтүүнүн зарылдыгына көңүл бурду.
Жыйындын жүрүшүндө бир катар багыттар боюнча отчеттор угулду. Социалдык бөлүмдүн жетекчиси Молдояр Ураимов өткөн жылы социалдык жардамга муктаж жарандарга көрсөтүлгөн колдоо чаралары, пособиялардын төлөмдөрү жана ишке ашырылган программалар тууралуу маалымат берди.
Кадр маселелери, документтик камсыздоо жана юридикалык маселелер боюнча сектордун жетекчиси Наргиза Соорбекова сектордун жылдык ишмердүүлүгү тууралуу отчетун сунуштап, кызматкерлердин эмгек дисциплинасын сактоо, документ жүгүртүү жана аткаруу дисциплинасын камсыздоо боюнча жүргүзүлгөн иштерге токтолду.
Ошондой эле бөлүм жетекчилери 2026-жылга иш пландарын сунуштап, ар бир багыт боюнча конкреттүү милдеттер белгиленди. Шаардагы тазалык, инфраструктура, социалдык көйгөйлөр жана калк менен иштөө маселелери талкууланды. Белгилей кеткен кемчиликтерди мүмкүн болушунча тез арада жоюу тапшырылды, жооптуу кызматкерлерге тиешелүү милдеттер белгиленди.
Жыйындын аягында муниципалитеттин башчысы шаар жетекчилигин иштерди убагында, сапаттуу жана так аткарууга, ошондой эле жарандардын кайрылууларын өзгөчө көңүл бурууга чакырды. Ал 2026-жыл жоопкерчилик жана натыйжалуулук жылы болушу керектигин белгилеп, жыл башынан бери шаарга инвесторлор келе баштаганын, активдүү аракеттер жакшы жыйынтык бериши мүмкүн экенин кошумчалады.
