Кыргыз Республикасынын Башкы прокуратурасынын алдындагы сот аткаруучулары кызматынан алынган маалыматка ылайык, Мамлекеттик салык кызматынын пайдасына 1 035 694 сом өндүрүлгөн.
Ведомстводон белгилегендей, аткаруу өндүрүшү 2025-жылдын 24-сентябрында Сузак райондук соту чыгарган чечиминин негизинде Сузак райондук бөлүмү тарабынан аякталган. Карыз ОсОО «Жасур-Комур»дан көрсөтүлгөн суммада өндүрүлгөн.
Аткаруу процессинде мажбурлоо чаралары колдонулуп, көрсөтүлгөн сумма толугу менен кайтарылып, Кыргыз Республикасынын мыйзамына ылайык өндүрүүчүгө жөнөтүлгөн. Ошондой эле, аткаруу документи толук аткарылган соң Сузак райондук сотуна кайтарылганы белгиленген.
