Мындан тышкары, жергиликтүү фермерлер койлор менен эчкилердин баасы орточо 3–4 миң сомго жогорулаганын билдиришүүдө. Жануарлардын баасына алардын жашы, тукуму жана семиздиги таасир этет.
Жергиликтүү тургундар баанын жогорулашын комби-азык, чөп жана башка азыктардың баасынын көтөрүлүшү менен байланыштырууда. Кышкы мезгилде малды кармоо чыгымдары кыйла жогорулайт, бул болсо базардагы бааларга таасир этет.
Кадамжай районунун Ак-Турпак айылдык аймагында жайгашкан «Торговый» мал базарында 2026-жылдын 4-февралында үч жашар абердин-ангус тукумундагы бука 280 миң сомго бааланган. Бул жандыктын тирүү салмагы 700 килограммды түзөт. Бука ээси, эгер дагы 2–3 ай семиртсе, анын салмагы бир тоннага жетиши мүмкүн экенин белгиледи.
Жергиликтүү эт саткандар да этке болгон суроо-талаптын кыйла жогорулаганын белгилешүүдө. Алардын айтымында, «Торговый» базарында, ай сайын үчүнчү шаршемби күнү ачылганда, орточо 12–13 бука сатылат.
