2026-жылдын 26-январынан 1-февралына чейин Кыргызстандын Улуттук банкы Германиянын Берлин шаарында өткөн World Money Fair көргөзмөсүнө катышты. Бул маалыматты регулятордун өкүлдөрү билдиришти.
World Money Fair — бул монеталарга арналган дүйнөдөгү эң ири иш-чара, ал өндүрүүчүлөрдү, монета казыналарын, улуттук банктарды, нумизматтарды жана техникалык адистерди дүйнөнүн ар кайсы бурчтарынан бириктирет. Ар жылы көргөзмөгө 50дөн ашык өлкөдөн 300гө жакын катышуучу чогулат.
Улуттук банктын бул көргөзмөдөгү негизги максаты — улуттук валютанын көз карашынан Кыргызстандын бай тарыхы жана маданиятын көрсөтүү жана популяризациялоо.
Нацбанктын экспозициясында өлкөнүн маданий жана тарыхый мурасын чагылдырган банкноттор жана коллекциялык монеталар көрсөтүлдү. Атап айтканда, экспонаттардын арасында төмөнкү серияларды көрүүгө болот:
- «Тарыхый окуялар»;
- «Кыргыз каганатынын доору»;
- «Кыргызстандын тарыхый жана архитектуралык эстеликтери»;
- «Кыргыздын салттары жана жөрөлгөлөрү»;
- «Улуттук музыкалык аспаптар»;
- «Улуттук спорттун түрлөрү жана элдик оюндар»;
- «Көчмөндөрдүн дүйнөлүк оюндары»;
- «Кыргызстандын кызыл китеби».
Нацбанктын өкүлдөрүнүн айтымында, кыргыздын коллекциялык монеталары жана банкноттору коллекционерлер, нумизматика боюнча адистер жана уникалдуу чыгармалар менен таанышууга кызыккан көргөзмө коноктору арасында чоң кызыгууну жаратты.
