Кыргыз Республикасынын Президентинин атынан жана өкмөт башчысынын атынан Адылбек Касымалиев мамлекеттик салык кызматынын коллегиясынын жыйынында «Салык Күзөт» автоматташтырылган маалыматтык системасын түзүүгө катышкан адистерге ыраазычылык каттарын жана өкмөттүн ыраазычылык грамоталарын тапшырды.
Ошондой эле, өлкөнүн финансылык-экономикалык потенциалын өнүктүрүүгө жана «Салык Күзөт» системасын түзүүгө кошкон зор салымы үчүн төмөнкү адамдар белгиленди:
– Шамшыбек Качкынбай уулу, Мамлекеттик салык кызматынын «Салык Сервис» мамлекеттик мекемесинин директору;
– Бек Жумадилович Мамадалиев, Мамлекеттик салык кызматынын аналитикалык иштер башкармалыгынын начальниги;
– Адилет Жаныбекович Үсөнов, көз карандысыз тышкы эксперт.
Мындан тышкары, Кыргыз Республикасынын Өкмөтүнүн ыраазычылык грамоталары төмөнкү кызматкерлерге финансылык секторду өнүктүрүүгө кошкон маанилүү салымы үчүн тапшырылды:
– Алмаз Калматович Бөрүбеков, Мамлекеттик салык кызматынын аналитикалык иштер башкармалыгынын тармактык аналитика бөлүмүнүн начальниги;
– Мирбек Тилекович Сапаров, Мамлекеттик салык кызматынын аналитикалык иштер башкармалыгынын системалык маалымат аналитика бөлүмүнүн начальниги;
– Талгат Шамильевич Адильгириев, «Салык Сервис» мамлекеттик мекемесинин программалык камсыздоо иштеп чыгуу башкармалыгынын башкы программисти;
– Дмитрий Вадимович Александров, «Салык Сервис» мамлекеттик мекемесинин программалык камсыздоо иштеп чыгуу башкармалыгынын жетекчи программисти.
«Салык Күзөт» долбоору аналитикалык ишмердүүлүктү жакшыртууга, салык башкаруунун ачыктыгын жогорулатууга жана башкаруу чечимдеринин сапатын жакшыртууга багытталган.
