Нарын облусунда, тактап айтканда Ак-Талаа районунда сафлор майын кайра иштетүү башталды. Жогорку Кеңештин агрардык саясат, суу ресурстары, экология жана жер казынасын пайдалануу боюнча комитетинин жыйынында суу ресурстары, айыл чарба жана тамак-аш өнөр жайы министри Бакыт Торобаев бул жаңылыкты бөлүштү.
Ал аталган райондо ершов сортунун культурасы жамгырсыз жерлерге отургузулганын белгиледи.
«Ар бир гектардан 20 центнер түшүм жыйноого жетиштик. Биздин максат — 2029-жылга чейин өлкөдө өсүмдүк майынын жетишсиздигин чечүү. Ошондой эле, Америкадан алып келген башка сортторду себүү мүмкүнчүлүгүн карап жатабыз», — деп кошумчалады Торобаев.
