Президенттин өкүлчүлүгүнүн маалыматы боюнча, 17-февралда Ош облусунун 2025-жылдагы социалдык-экономикалык өнүгүүсүнүн жыйынтыктарын чыгаруу жана 2026-жылга приоритеттүү милдеттерди коюу боюнча коллегиалдык жыйын өткөрүлдү. Жыйында өкмөт башчы Адылбек Касымалиев, Ош облусундагы президенттин ыйгарым укуктуу өкүлү Аманкан Кенжебаев, коллегиянын мүчөлөрү, өкүлдүн орун басарлары, райондордун акимдери, облустук мекемелердин жана ишканалардын жетекчилери, айыл өкмөттөрүнүн башчылары катышты.
Күн тартибиндеги маселе боюнча Ош облусундагы президенттин ыйгарым укуктуу өкүлү Аманкан Кенжебаев доклад жасап, 2026-жылга коюлган милдеттер жана пландар тууралуу маалымат берди.
Облус жетекчисинин айтымында, учурда жүргүзүлгөн иш-аракеттердин натыйжасында 2025-жылы облустун аймагында 120 жаңы ишкана ачылып, 1474 максаттуу жумушчу орундар түзүлгөн. Жалпысынан бардык тармактарда 17 миң 453 жумушчу орун түзүлгөн. Алардын эсебинен өнөр жай секторунда 5 миллиард 938,5 миллион сом инвестиция тартылган. Өткөн жылдын ушул мезгили менен салыштырганда, 3 миллиард 392,9 миллион сомго көп инвестиция тартылган. Облустагы дотациялар өткөн жылга салыштырмалуу 3,5%га кыскарды. 2025-жылы дотациядан 1 шаар жана 5 айыл өкмөтү чыкты:
- Гульча шаары (Алай район);
- Кок-Жар айыл өкмөтү (Ноокат район);
- Достук айыл өкмөтү (Араван район);
- Дөң-Булак айыл өкмөтү (Узген район);
- Кароол айыл өкмөтү;
- Салам-Алик айыл өкмөтү (Узген район).
2025-жылы жолдорду асфальттоо үчүн Стабилизациялык фонддон жана республикалык бюджеттен жалпы 8 миллиард 233 миллион сом бөлүнүп, 415,9 км жол оңдолуп, асфальтталган. Бул өткөн жылга караганда 188,4 км көп.
Курулуш тармагында 2025-жылы республикалык бюджеттен 2 миллиард 455 миллион сом бөлүнүп, 43 объекти курулду, анын ичинде: 11 мектеп, 12 бала бакча, 6 спорт зал жана спорт аянтчасы, 1 ооруканасы, 11 капиталдык ремонт объектиси жана 2 таза суу объектиси.
Облус өнүктүрүү фондуна 2025-жылы 250 миллион сом акча каражаты бөлүндү. Жыл ичинде фондго 102 долбоор келип түшүп, алардын 42 долбоору бекитилип, каржыланды.
Агроөнөр жай тармагында өткөн жылы Ош облусунда айыл чарба продукциясы 85 миллиард 843,3 миллион сомго өндүрүлгөн, физикалык көлөмдүн индекси 103,4% түздү. Бул Кыргызстандагы айыл чарба продукциясынын жалпы көлөмүнүн 18,7%ын түзөт.
Колдонулбай жаткан жерлерди иштетүү боюнча оң жыйынтыктарга жетишилди: 810 гектардан аянт 154 гектарга кыскарды. Учурда колдонулбай жаткан жерлердин жалпы аянты 617 гектарды түзөт.
Жылдын негизги жыйынтыктары боюнча докладды аяктагандан кийин Аманкан Кенжебаев 2026-жылга милдеттер жана пландар тууралуу маалымат берип, райондордун акимдерине, облустук мекемелердин жана ишканалардын жетекчилерине, айыл өкмөттөрүнүн башчыларына бир катар тапшырмаларды берди.
