Караколдогу 110/10 кВ «Кун батыш» подстанциясында жаңы күч трансформаторун орнотуу пландалууда. НЭСКтин маалыматы боюнча, бул долбоорду ишке ашыруу 2026-жылдын апрель айына белгиленген.
Модернизация төмөнкү иш-чараларды камтыйт:
- 10 МВА кубаттуулугу бар экинчи трансформаторду кошуу;
- 110 кВ элегаздык ажыраткычты орнотуу;
- 10 вакуумдук ажыраткычтары бар 10 кВ комплекттүү бөлүштүрүү түзүлүшүн монтаждоо.
Учурда подстанцияда 16 МВА кубаттуулугу бар бир трансформатор иштеп жатат. Иштер аяктагандан кийин подстанциянын жалпы кубаттуулугу 26 МВАга жетет.
Акыркы жылдарда электр энергиясын керектөөчүлөрдүн саны туруктуу өсүүдө. 2023-жылы подстанция 4400 абонентке кызмат көрсөткөн, азыр болсо алардын саны 4625ке жетти. Бул энергетикалык инфраструктураны этап-этабы менен кеңейтүүнүн зарылдыгын жаратууда.
Долбоорду ишке ашыруу төмөнкүлөрдү камсыз кылат:
- электр энергиясынын камсыздоонун ишенимдүүлүгүн жакшыртуу;
- учурдагы жабдууларга жүктөмдү азайтуу;
- керектөөчүлөр үчүн сапаттуу жана үзгүлтүксүз электр энергиясын берүү. ```
