Улуттук банктын алмашуу бюролорун көзөмөлдөө бөлүмүнүн начальниги Равшанбек Мурзалиев валюталык рыноктогу лицензиясыз ишмердикке каршы күрөшүү боюнча жүргүзүлүп жаткан аракеттер тууралуу маалымдады. Өткөн жылы жүргүзүлгөн текшерүүлөрдүн жыйынтыгында өлкөдө Улуттук банктын уруксаты жок иштеп жаткан 178 алмашуу пункту аныкталган. Бул мыйзам бузууларга жооп катары тиешелүү чаралар көрүлүп, айыппулдар салынган.
Улуттук банктан алмашуу бюролору өз ишин чет өлкөлөрдүн валютадагы накталай акча менен гана жүргүзө алаарын белгилешти. Ар кандай башка операциялар мыйзамсыз болуп эсептелет.
Регулятор ошондой эле жарандарга валютаны тек гана лицензияланган пункттарда алмаштырууну, алар ачык иштеп, Улуттук банктын талаптарына так ылайык келиши керектигин катуу сунуштайт.
