Бишкекте Улуттук банк ОсОО «Нурбек Кэш» алмашуу бюросунун лицензиясын убактылуу токтотту. Регулятордун маалыматына ылайык, мындай чара Кыргыз Республикасынын мыйзамдарын жана Улуттук банктын тиешелүү нормативдик актыларын бузуу себептүү кабыл алынган.
2024-жылдын 12-июлунда берилген №6872 лицензия 2026-жылдын 6-мартынан 15-мартына (кошуп эсептегенде) чейин токтотулду.
Алмашуу бюросу Бишкек, Кожевенная көчөсү, 74 дарегинде, мурда ОсОО «Алкан Базары» администрациясы жайгашкан имараттын биринчи кабатында, батыш тарабында жайгашкан.
