Кыргызстанда 11 кооператив активдүү түрдө органикалык товарларды өндүрүү менен алектенет. Бул тууралуу Өнөр жайды кайра иштетүү жана органикалык айыл чарба департаментинин директору Мухтар Чыналиев Жогорку Кеңештин комитетинин жыйынында билдирди. Ал ошондой эле учурда 30га жакын ишкана органикалык өндүрүшкө өтүү үчүн даярдык стадиясында экенин белгиледи.
2022-жылдан бери органикалык продукция өндүрүүчүлөргө жеңилдетилген кредиттер берилди, алардын жалпы суммасы болжол менен 300 миллион сомду түздү.
Чыналиев кыргыз жаңгагы өлкөнүн эң белгилүү органикалык продуктуларынын бири экенин жана ал 30дан ашык өлкөгө, анын ичинде АКШ, Европа өлкөлөрүнө, Россияга жана Түштүк Кореяга экспорттолорун баса белгиледи.
