Суу ресурстары, айыл чарба жана кайра иштетүү өнөр жайы министрлиги Химизация, өсүмдүктөрдү коргоо жана карантин департаменти аркылуу фитосанитардык көзөмөл боюнча жаңы кадамды жарыялады: кызматкерлер эми бодикамерлерди колдонушат.
Министрликтин маалыматына ылайык, бул демилге иштин ачыктыгында, коррупциялык тобокелдиктерди азайтууда жана фитосанитардык процедураларды натыйжалуу көзөмөлдөөгө багытталган. Бодикамерлер Чүй облусундагы «Кант» убактылуу сактоо складында (УСХ) ийгиликтүү киргизилген.
Бодикамерлерди колдонуу камсыз кылат:
- карантинге алынган продукцияны текшерүүнүн жана документтештирүүнүн бардык этаптарын каттоо
- кызматкерлер арасында тартипти жана жоопкерчиликти жогорулатуу
- жумушчулардын жана тышкы экономикалык ишмердүүлүктүн катышуучуларынын укуктарын коргоо
- мыйзамдардын сакталуусун көзөмөлдөөнүн кошумча механизмдерин түзүү
Бул кадам Департаменттин кеңири стратегиясынын бир бөлүгү болуп, процесстерди санариптештирүүгө, мамлекеттик көзөмөлдү оптималдаштырууга жана бизнес менен жарандардын арасында ишенимди бекемдөөгө багытталган.
