Ташкентте «Ортолук Азия: өндүрүмдүүлүктөн гүлдөп-өсүүгө. Регионалдык диалог» аттуу биринчи эл аралык форум өттү.
Кыргыз Республикасынын Экономика жана соода министрлигинин маалыматы боюнча, иш-чарага вице-министр Искендер Асылкулов жана өнөр жайдагы долбоорлорду иштеп чыгуу бөлүмүнүн жетекчиси Айгүл Шаршенова катышты.
Форумдун жыйынтыгы боюнча бир нече маанилүү документтерге кол коюлду:
— Өзбекстандын Экономика жана каржы министрлиги менен Кыргызстан Республикасынын Экономика жана соода министрлигинин ортосунда өндүрүмдүүлүк тармагында кызматташуу боюнча өз ара түшүнүшүү меморандуму;
— Ортолук Азиядагы өндүрүмдүүлүк боюнча өз ара аракеттенүү боюнча Ташкент декларациясы.
Форумдун алкагында Жизак жана Самарканд облустарына иш сапарлары уюштурулуп, катышуучулар курулуп жаткан өзбек-кытай өнөр жай паркынын иши, ошондой эле алюминий профилдерин, үй техникасын жана автоунааларды өндүрүүчү заводдор менен таанышышты.
