Кыргыз Республикасынын Борбордук шайлоо комиссиясы Жогорку Кеңештин депутаттарын мөөнөтүнөн мурда шайлоого катышууну каалаган талапкерлерден арыздарды кабыл алууну улантууда.
28-октябрга карата талапкерлерден 531 арыз катталды.
Арыздарды кабыл алуу эртең, 30-октябрда аяктайт.
ЖК депутаттарын шайлоо 30-ноябрга пландалган, ал эми үгүт өнөктүгү 10-ноябрда башталат.
Алдын ала шайлоочулардын тизмесине 4 миллион 287 миң адам кирген.
Мамлекетте 2492 шайлоо участогу уюштурулган, ал эми республикадан тышкары – 91 участок бар.
