Нарын облусундагы 170 шайлоо участогунда добуш берүү аяктады.
УТРК Нарын тарабынан берилген алдын ала маалыматка ылайык, саат 20:00гө карата №29 округда 52 578 шайлоочу добуш берди, бул жалпы катталган шайлоочулардын 38%ын түзөт. №30 округда шайлоого 136 416 шайлоочудан 63 миңи катышты, бул 44%ды түзөт.
Азыркы учурда эки округда добуштарды эсептөө жүрүп жатат.
Нарын облусунун ички иштер башкармалыгынын маалыматы боюнча, шайлоо өнөктүгү учурунда 7 инцидент катталды, бирок мыйзамдын олуттуу бузулуулары аныкталган жок.
