Азыр ал беш кыз жана эки уул тарбиялап жаткан көп балалуу эне.
«Ак-Дөбө айылында, Джети-Огуз районунда төрөлгөм. Жолдошум менен телефон аркылуу таанышып, кийин турмушка чыктым. Кудай балдарды берет жана аларды берекелейт. Биздин үч улуу балабыз — кыздар, алар кичинекей бир туугандарын карашып, мага жумушумду жеңилдетишет», - деди Мунара.
Ал жолдошунун колдоосун дайыма сезерин белгиледи. Үй-бүлөнүн биримдиги жана колдоосу аркылуу балдарды тарбиялоону жакынкы убакта негизги милдети деп эсептейт.
«Үйдө балдарым менен алектенем. Биз балдар үчүн жөлөк пул алчубуз. 2023-жылы 100 миң сомдук кайтарымсыз жардам алдык жана бир уй сатып алдык. Азыр сүттү сатабыз жана үй-бүлөлүк бюджетти толуктап жатабыз. Жолдошум менен кеңешип, өзүбүздүн кичинекей ишибизден акча табышыбыз керек деп чечтик, балдар да муну үйрөнүшү керек», - деди Канатбек кызы.
Ал үйдүн жанындагы жерге ар кандай жашылчаларды жана жемиштерди өстүрүп, кышка даярдык көрөт.
«Кыздарым үй жумуштарына жардам берип, жашоого керектүү нерселерди үйрөнүшөт. Эне катары, аларды жашоодо керек болгон бардык нерселерге үйрөтөм», - деп белгиледи ал.
Жакын арада Мунара «Эне-баатыр» наамын алууну күтүп жатат.
«Мен үчүн эң маанилүүсү — балдардын ден соолугу жана алардын жакшы адамдар болуп чоңоюшу. Эгер алар коомго пайдалуу адамдар болуп калса — бул биздин эң чоң жетишкендигибиз», - деп баса белгиледи ал.
