Алишер Нурбек уулунун айтымында, азык-түлүк топтомдору социалдык жактан осол катмардагы жарандарга кайрымдуулук фондунун аракеттери аркылуу берилген. Иш-чара райондук акимдин орун басары Ж.Бектемирова жана башка адистердин катышуусунда өттү.
Алынуучулардын тизмеси алардын социалдык статусу, ден соолук абалы, кирешеси жана актуалдуу муктаждыктары эске алынып, алдын ала түзүлгөн. Тандоо айыл өкмөтүнүн кызматкерлери жана социалдык кызматкерлер менен биргеликте жүргүзүлгөн. «Бул акция 3-декабрга — Дүйнөлүк инвалиддер күнү менен байланыштуу. Анын негизги максаты — ден соолук мүмкүнчүлүктөрү чектелген адамдардын туш болгон кыйынчылыктарына көңүл буруу жана аларга колдоо көрсөтүү», — деп кошумчалады Алишер Нурбек уулу.
