Бул тууралуу Нарзан айыл өкмөтүнүн өкүлдөрү маалымдашты.
«Мамлекеттик социалдык заказ боюнча ишке ашырылып жаткан социалдык долбоордун алкагында Ак-Суу айылындагы «Келечекке жаңы жол» инвалиддер үчүн үйгө муздаткыч жана сыр өндүрүүчү аппарат берилди. Бул үй-бүлөгө сүттү жөн гана чийки түрүндө сатууга эмес, ошондой эле аны сапаттуу сыр өндүрүү үчүн кайра иштетүүгө мүмкүнчүлүк берет», - деп белгилешти айыл өкмөтүндө.
Кичи ишкердикти колдоо жана жарандардын жашоо деңгээлин жакшыртуу боюнча бул демилгелер райондук мамлекеттик администрация тарабынан эмгек, социалдык коргоо жана миграция бөлүмү менен кызматташтыкта активдүү колдоого алынууда.
Инвалиддер үчүн үйдүн ээси Айгүл Такырбашева, алардын үйүндө азыр жети мүмкүнчүлүгү чектелген адам жашап жатканын, алар кол өнөрчүлүк жана айыл чарбачылыгы менен алектенип, ден соолугун жакшыртууга жана өзүн-өзү жүзөгө ашырууга аракет кылып жатканын айтты.
- Административдик-территориялык реформадан кийин Ак-Суу айылы Нарзан айылдык аймагынын бир бөлүгү болуп калды.
