Иш-чараны райондук мамлекеттик администрациянын социалдык секторунун кызматкерлери уюштуруп, чакырылган ата-энелер, мугалимдер жана социалдык кызматкерлер маанилүү маселелерди талкуулашты.
Семинарда белгилүү коомдук ишмерлер балдарды тарбиялоо, үй-бүлөдөгү мамилелер жана «энелер мектебинин» артыкчылыктары тууралуу докладдар менен чыгышты. Ар бир активдүү катышуучуга китептер тапшырылды.
Биринчи сессия ата-энелерге багытталып, «Ата-энелер — балдардын жаркын келечеги» деген аталышта өттү. Катышуучулар үй-бүлөлүк тарбиянын маанилүүлүгүн жана ата-энелердин жоопкерчилигин, ошондой эле балдардын коопсуз өнүгүү аспектилерин талкуулашты.
Семинардын экинчи бөлүгү мугалимдерге арналды жана «Мугалим — үмүт жараткан инсан» деген ураанда өттү. Бул сессиянын жүрүшүндө катышуучулар тарбия жана билим берүү маселелери боюнча пикир алмашып, өзүнүн баалуу ойлорун бөлүшүштү.
Семинар суроо-жооп сессиясы жана тематикалык видеороликтерди көрүү менен аяктады.
