Иш-чарада жергиликтүү өз алдынча башкаруу өкүлдөрү, шаар тургундары жана жаш сүрөтчүлөр катышты.
Кошумча катары Тургунбай Садыковдун өмүрү жана чыгармачылыгына арналган видеоролик көрсөтүлүп, көркөм мектептин окуучулары тарабынан түзүлгөн эмгектердин көргөзмөсү уюштурулду.
Тургунбай Садыков Улуттук сүрөт искусствосу академиясын жана анын алдында жайгашкан балдар көркөм мектебин түзүүнүн демилгечиси болгон.
Анын белгилүү эмгектеринен — Бишкектеги Улуттук филармониянын алдында жайгашкан манасчынын эстелиги, «Ала-Тоо» кинотеатрынын жанындагы «Революциянын баатырларына» арналган монумент, ошондой эле С. Ибрагимов көчөсүндөгү Экинчи дүйнөлүк согуштун катышуучуларына арналган комплекс жана «Ала-Тоо» аянтындагы эркиндик эстелиги.
Манас шаарындагы көркөм мектеп 2000-жылы Тургунбай Садыков тарабынан негизделген. 2025-жылы Билим берүү министрлигинин буйругуна ылайык, мектепке скульптордун ысымы ыйгарылып, «Тургунбай Садыковдун атындагы Республикалык көркөм мектеби» болуп калды.
