Ачылыш аземине жергиликтүү бийлик өкүлдөрү жана Жалал-Абад облусундагы президенттин ыйгарым укуктуу өкүлүнүн жетекчилери катышты.
Бул долбоор региондогу биринчи болуп саналат, анда суу камсыздоо системасы күн энергиясында иштейт. Жумуштар 2025-жылдын июль айында башталды жана өнүктүрүү фонду тарабынан каржыланды. Долбоордун наркы 6 млн 833 миң сомду түзүп, 300 үй-бүлөгө таза сууга жеткиликтүүлүк берди.
Учурда облус боюнча 32 айыл жана 3 шаарды таза суу менен камсыздоо боюнча долбоорлор ишке ашырылууда. 2025-жылдын сентябрь айынын аягына чейин беш айылдык пунктта курулуштар аяктап, системалар иштеп жатат.
