Салтанатка Нарын облусунда иш сапарында жүргөн өкмөт башчынын орун басары жана УКМКнын жетекчиси Камчыбек Ташиев катышты.
Жаңы комплекс 2160 чарчы метрди түзөт. Имарат эки кабаттуу болуп, административдик жана спорттук зоналарга бөлүнөт.
Ички пландоодо эки чоң спорт залы, өзүнчө машыгуу жайлары жана спорт менен алектенүү үчүн зарыл болгон башка объекттер камтылган. Проекттин болжолдонгон баасы 150 миллион сомду түзөт.
Камчыбек Ташиев өз сөзүндө айылдын жаштарын спорт менен активдүү алектенүүгө жана ден соолукка пайдалуу жашоо образын карманууга чакырды. Ал жаңы спорттук комплекс таланттуу спортчулардын өнүгүшүнө шарт түзүп, Кыргызстанды эл аралык аренада жакшы көрсөтө тургандыгына үмүт артарын билдирди.
