Жаңы объект Нарын облустук бириктирилген оорукананын аймагында курулат. Проект 100 орунга ылайыкташтырылган төрт кабаттуу имаратты, ошондой эле подвалды жана заманбап медициналык жабдууларды камтыйт.
Медициналык кызматкерлер менен болгон жолугушууда Ташиев өкмөт медицина кызматкерлеринин эмгек акысын жогорулатуу жана турак жай менен камсыз кылуу боюнча чараларды көрүп жатканын белгиледи.
ГКНБнын сүрөтү. Камчыбек Ташиев жаңы төрөт үйүнүн курулушуна старт берди
«Ар бир медицина кызматкери өзүнүн үйүнө ээ болушу керек. Бул үчүн ипотекалык батирлер курулат», — деп баса белгиледи ал.
Ташиев врачтарга алардын оор эмгеги үчүн ыраазычылык билдирип, мамлекеттик органдар медициналык кызматкерлердин эмгек шарттарын жана социалдык камсыздандыруусун жакшыртууга багытталганын кошумчалады.
