30-октябрда Бишкекте «Агро суу камсыздоо жана санитария» II долбоорунун алкагында Нарын, Талас жана Ысык-Көл облустарындагы айылдарга атайын техникаларды өткөрүп берүү аземи өттү.
Кыргыз Республикасынын биринчи вице-премьер-министри Тайырбек Сарпашев атайын техникаларды алган жарандарды куттуктап, өнүктүрүү боюнча эл аралык өнөктөштөргө көрсөтүлгөн колдоо үчүн ыраазычылык билдирди.
«Республикадагы айылдарды таза ичүүчү суу менен камсыздоо өкмөттүн эң маанилүү милдеттеринин бири. Бул багытта 2017-жылга чейин өлкөнүн туруктуу өнүгүү стратегиясын ишке ашыруу алкагында бир катар долбоорлорду ишке ашыруу пландалган, алардын бир бөлүгү азыркы учурда ишке ашырылууда. Өкмөт таза суу менен камсыздоо боюнча бардык башталыштарды аягына чыгарат. Бүгүн биз суу камсыздоо жана санитария боюнча дагы бир долбоордун ийгиликтүү аякташын күбө болуп жатабыз. Нарын, Талас жана Ысык-Көл облустарынын айылдык башкармалыктары 7 экскаватор, 30 мотороллер жана суу камсыздоо системаларын эксплуатациялоо жана техникалык тейлөө үчүн 60 комплект жабдуулар жана инструменттер алууда, жалпы суммасы 20 млн. сомдон ашык», — деди Т.Сарпашев.
Маалымат: Кыргыз Республикасынын суу чарба жана мелиорация боюнча мамлекеттик комитетине «Экинчи агро суу камсыздоо жана санитария» долбоорун ишке ашыруу боюнча ыйгарым укуктарды Кыргыз Республикасынын коомдорун өнүктүрүү жана инвестициялоо агенттигине (АРИС) өткөрүп берүү тапшырылган.
«Экинчи агро суу камсыздоо жана санитария» долбоорун өткөрүп берүү учурунда Кыргыз Республикасынын суу чарба жана мелиорация боюнча мамлекеттик комитетинин төрагасы тарабынан АРИСке 36 подпроект (6 жаңы подпроект, 4 көйгөйлүү подпроект жана «Агро суу камсыздоо жана санитария» долбоорунун биринчи фазасынын кемчиликтерин жоюу боюнча 26 подпроект) бекитилип, өткөрүлүп берилген.
Бүгүнкү күндө Ысык-Көл, Нарын, Талас облустарындагы 55 айылда (Дүйнөлүк банк тарабынан каржыланган) бардык подпроекттер ийгиликтүү аякталды.
