Ачылышта Ош шаарынын мэри Жеңишбек Токторбаев катышып, ишкананын жаңыланган абалын баалады.
«Мен келгенде автобазанын абалы мени абдан капалантты — ал таштанды абалда эле. Бирок эки айдын ичинде биз маанилүү өзгөрүүлөргө жетише алдык. Мен жеке автобустарды жана троллейбустарды текшердим — алардын бардыгы оңдолгон. Келечекте биз айдоочулар менен жүргүнчүлөрдүн ортосунда акча эсептешүүнү жоюп, электрондук төлөмдү же контролерлор аркылуу иштөө системасын киргизишибиз керек. Айдоочу болгону гана айдоого көңүл бурушу керек. Январьдын аягына чейин электробустар күтүлүүдө, алардын 30 чамасы шаар боюнча каттамга чыгат», - деди Ж.Токторбаев.
Берилген маалыматка ылайык, имарат толугу менен жаңыланган, анын ичинде фасад жана ички жайлар. Ошондой эле таза суу үчүн насостор алмаштырылып, аймакты көрктөндүрүү иштерин жүргүзүлгөн.
Учурда ишканада 360 адам эмгектенет, ал эми автобустар менен троллейбустардын жалпы саны 181. Учурда 2 троллейбус жана 9 автобус маршруту тейленүүдө.
