Жергиликтүү администрациянын маалыматына ылайык, корей унааларын сатуу жүргүзүлгөн аянтчаны оңдоо иштери аяктаган. Ачылыш салтанатына шаардык кеңештин депутаттары жана шаар жетекчилиги катышты.
1500 унааны жайгаштырууга мүмкүнчүлүк берген жаңы аймакта бардык зарыл шарттар түзүлгөн. Мурда да авторыноктун башка аймактарында реконструкция жүргүзүлгөн.
Быйыл авторынок жайгашкан участок коммерциялык категорияга өткөрүлүп, инфраструктураны толук реконструкциялоо жана модернизациялоого мүмкүнчүлүк берди:
- жаңы асфальт төшөлдү;
- эки жаңы навес курулду;
- жаңы коммерциялык имараттар салынды;
- жалпы аянты 108 чарчы метрди түзгөн 31 ашкана түзүлдү;
- суу камсыздоо, канализация жана газ камсыздоо үчүн коммуникациялар тартылды;
- заманбап автоматтык шлагбаумдар орнотулду;
- аймак металл тосмолор менен тосулуп, жарыктандырылды;
- видеонаблюдение системасы киргизилди;
- авторыноктун аянты 2,5 гектарга чейин кеңейтилип, 4200 унааны жайгаштырууга мүмкүнчүлүк берилди, мурун 2500-2600 унаа жайгашчу;
- кошумча автомойка жана санитардык түйүндөр курулду.
Цифрдык тейлөө системасына өтүү менен накталай эсептешүүлөр токтотулду, бардык төлөмдөр электрондук түрдө жүргүзүлөт. Бул авторыноктун кирешесинин кыйла өсүшүнө алып келди: эгер мурун жылдык киреше 20-25 миллион сомду түзсө, акыркы үч айда жаңыланган соң 35 миллион сом чогултулду.
