Министр жолчуларды кесиптик майрамы менен куттуктап, техниканын жергиликтүү өндүрүштү колдоо максатында сатып алынганын белгиледи. Анын айтымында, жаңы унаалар иштин натыйжалуулугун жана жол тейлөө сапатын жогорулатат.
Азыркы учурда компания JAC маркасындагы 15 пикап жана жергиликтүү Tulpar Motors заводунда өндүрүлгөн бир Chevrolet Tracker унаасын алды. Жакынкы убакта дагы 10 транспорт каражатынын жеткирилүүсү пландалууда. Ошондой эле, 28 даана окшош кызматтык унаа "Кыргызавтожол-Түштүк" мамлекеттик ишканасына жөнөтүлөт.
Минтранста унаалар жол тейлөө ишканалары тарабынан өз каражаттарынын эсебинен, бөлүп төлөө механизмин колдонуу менен сатып алынганын такташты.
