2014-жылдын 24-октябрында саат 14:00дө Кыргыз Улуттук Филармониясында автомобиль транспорт жана жол чарбасы кызматкерлеринин күнү белгиленген салтанаттуу жыйын өттү. Бул иш-чаранын программасында Президенттин Администрациясынын, Кыргыз Республикасынын Өкмөтүнүн өкүлдөрү жана коноктор тарабынан Кыргыз Улуттук Филармониясынын фойесиндеги тармактын өнүгүүсү тууралуу маалымат стенддерин көрүү жана текшерүү, ЖМК менен интервью берүү, Кыргыз Республикасынын автомобиль транспорту жана жол чарбасынын өнүгүүсү тууралуу фильмди көрүү болду. Андан кийин Кыргыз Республикасынын Президентинин, Кыргыз Республикасынын Вице-премьер-министринин, Кыргыз Республикасынын транспорт жана байланыш министринин, тармактын ардагерлеринин атынан куттуктоо сөздөрү айтылды. Министрликтин кызматкерлерине өзгөчө айырмаланган кызматкерлерге ведомстволук сыйлыктар тапшырылды, андан соң майрамдык концерт өттү.
