2014-жылдын 24-октябрында маданият министри Алтынбек Максутов Саха Республикасынын (Якутия) Мамлекеттик жыйынынын Төрагасы Александр Жирков менен жолугушту.
Жолугушуу учурунда тараптар бири-бири менен жакшы сөздөр алмашышты, Александр Жирков Алтынбек Максутовду министрлик кызматка дайындалышы менен куттуктап, жаңы кызматында чоң ийгиликтерди каалады.
Александр Жирков 2014-жылдын ноябрь айынын башында Бишкекке белгиленген Саякбай Каралаевдин 120 жылдык юбилейин өткөрүү үчүн келерин белгиледи. Ал Саха Республикасынын Маданият министрлигине Кыргызстандын майрамдык иш-чарасында катышуу үчүн бир нече артист даярдоону тапшырмакчы экенин айтты. Анын ичинде этникалык музыка аткаруучулары жана салттуу аспаптарда ойногон музыканттар болот.
Алтынбек Максутов сүйлөшүү учурунда Саякбай Каралаевге арналган юбилейдин масштабдуу болоорун жана Кыргыз Республикасынын Т.Сатылганов атындагы Улуттук филармониясында өтөөрүн баса белгиледи. Юбилей 2014-жылдын 13-ноябрында пландалган.
Александр Жирков министрге «Манас» эпосунун якут тилине которулушу тууралуу маалымат берип, которуу ийгиликтүү аяктаганын белгиледи. Тараптар Саякбай Каралаевдин юбилей күнү якут тилине которулган «Олонхо» аттуу якут эпосун жана кыргыз эпосунун «Манас» якут тилине которулушун сунуштоого макулдашышты.
Ошондой эле жолугушууда Кыргыз Республикасынын Эл жазуучусу Бексултан Жакиев жана Кино үйүнүн директору Таалайбек Кулмендеев болушту. Бексултан Жакиев юбилейди жогорку деңгээлде өткөрүүнүн маанилүүлүгүн, эң мыкты ансамблдерди жана башка эстрада аткаруучуларын тартууну белгиледи: «Саякбай Каралаев Кыргызстандын башка белгилүү инсандары менен салыштырганда эч нерсеге тең келбейт, ал кыргыздардын руханий мурасы – Манас эпосунун башында турат. Ошондуктан театралдык-постановка бөлүгү сюжеттин оригиналдуулугу менен айырмаланууга тийиш, эски спектаклдердин сюжеттерин кайталабай, Манас эпосунун жаңы сюжеттик линияларын камтышы керек».
Саха-Якутия Мамлекеттик жыйынынын Төрагасы өзүнүн жердеши Максим Аммосов тууралуу айтып берди, ал 1- катчы болуп дайындалып, Кыргыз ССРинин биринчи Өкмөт үйүндө отурган, азыркы Кыргыз Республикасынын маданият, маалымат жана туризм министрлигинин имаратында. Ал Максим Аммосовдун иш кабинетин көрүүнү каалаганын билдирди, министр бул маселени тактоого убада берди. «Биз Максим Аммосовдун элесин урматтайбыз, мен билем, жакынкы парктын ичинде Аммосовго бюст орнотулган жана сиздин министрликтин имаратында, Достук үйүндө, ал жерде биринчи катчы Максим Аммосов иштегендиги тууралуу урматтуу такта орнотулган. Мен сиздер менен кызматташууга абдан кубанычтамын» – деп баса белгиледи Саха-Якутиянын депутаттык жыйынынын Төрагасы Александр Жирков.
