Кыргыз Республикасынын Улуттук илимдер академиясында кыргыз элинин эпикалык трилогиясы «Манас», «Семетей», «Сейтек» презентациясы болуп өттү. Бул тексттер акын-манасчылар С.Орозбакова, С.Каралаева, Тоголок Молдо, Ш.Рысмендеева, М.Мусурманкуловдун сөздөрүнөн жазылган.
Алгачкы жолу бул трилогиянын жыйнагы 1960-жылдары жарык көрүп, манас таануу, адабиятчылар жана илимпоздор Б.Юнусалиев, М.Ауэзов, Т.Сыдыкбеков, А.Токомбаев, К.Маликов, Б.Керимжанова, О.Жакишов, К.Асаналиев жана башкалардын көп жылдык изилдөө ишинин жыйынтыгы болуп калды.
Презентацияда маалымдалгандай, бул эпос жыйнагы кыргыздардын моральдык-этикалык кодексинин эң толук жыйнагын, элдик акыл-эсинин квинтэссенциясын камтыйт – бул, өзүнүн көркөм-библиографиялык баалуулугунан тышкары, өлкөнүн маданий жашоосунда маанилүү көрүнүш болуп саналат.
Иш-чарага Кыргыз Республикасынын билим берүү жана илим министринин орун басары Токтобубу Ашымбаева, Кыргыз Республикасынын маданият, маалымат жана туризм министри Алтынбек Максутов, Кыргыз Республикасынын НАН президенти Абдыганы Эркебаев, Кыргыз Республикасынын НАН вице-президенти Абдылдажан Акматалиев, искусство, маданият, филология тармагындагы белгилүү ишмерлер жана башкалар катышты.
Өз сөзүндө орун басар министр Т.Ашымбаева «Манас» эпосунун мектептерде кыргыз адабияты, Кыргызстан тарыхы, адам жана коом сыяктуу предметтерде окулуп жатканын белгиледи.
«Бүгүнкү күндө И.Арабаев атындагы КГУда Манас таануу институту ачылып, студенттер бюджеттик формада “Манас таануу” адистиги боюнча билим алышууда. Бул кыргыз эли үчүн “Манас” эпосун биздин жаш муунга үйрөнүүдө маанилүү кадам» — деди Т.Ашымбаева.
