Түштүк Корея Манас тууралуу фильм тартат

Кыргыз Республикасынын ЮНЕСКО боюнча Улуттук комиссиясы Түштүк Кореянын ЮНЕСКОнун колдоосундагы нематериалдык маданий мурас боюнча Азия-Тынч океан эл аралык маалымат борбору менен биргелешип, нематериалдык маданий мурастарды документтештирүү боюнча биргелешкен долбоорду ишке ашырууну баштады. Бул тууралуу Кыргыз Республикасынын ЮНЕСКО боюнча Улуттук комиссиясынын секретариатынан билдиришти.

Долбоордун алкагында, Түштүк Кореядан келген эксперттер, анын ичинде Сеул искусств университетинин профессору О Джонг Ок, Munhwa (Маданият) телекөрсөтүү компаниясынын продюсери Санг-ил Чой жана башкалар, маданий мурастарды документтештирүү боюнча улуттук эксперттер менен тажрыйба бөлүшүү семинары өтүүдө.

Кыргыз эпикалык трилогиясы "Манас. Семетей. Сейтек" ЮНЕСКОнун нематериалдык маданий мурастар боюнча репрезентативдик тизмесине киргизилгени эл аралык коомчулуктун кызыгуусун жаратты.

Долбоордун алкагында "Манас. Семетей. Сейтек" эпикалык трилогиясы боюнча кыска метраждуу фильмдин биргелешкен документалдык тартуулары өтөт, ал Түштүк Кореянын ири телеканалдарында көрсөтүлөт.

"Түштүк кореялык эксперттер манасчылар менен биргеликте Талас облусундагы "Манас Ордо" улуттук комплексинде тартуу жүргүзүшөт. Долбоорго Кыргыз Республикасынын ЮНЕСКО боюнча Улуттук комиссиясынын, Кыргыз Республикасынын илимдер академиясынын, маданият фонддорунун эксперттери жана манасчылар катышууда", - деп айтылат билдирүүдө.

Эч кандай: vb.kg