Мэрия тарабынан берилген маалыматка ылайык, бул иштер мектепке чейинки билим берүү мекемелерин өнүктүрүү жана модернизациялоо программасынын алкагында жүргүзүлүүдө.
Эки кабаттуу имараттын жалпы аянты 1 800 квадрат метрди түзөт жана 0,6 гектар жерди ээлейт.
Биринчи кабатта төрт топ үчүн оюн жана уктоочу бөлмөлөр, ошондой эле буфет, кир жуугуч, үтүктөөчү, санитардык түйүндөр, кызматкерлер үчүн кабинет, медициналык пункт, ашкана жана техникалык жайлар болот. Экинчи кабат дагы төрт топ үчүн оюн жана уктоочу бөлмөлөр, жетекчинин кабинети, ошондой эле музыкалык жана гимнастикалык сабактар үчүн залдар менен камсыздалат.
Азыркы учурда демонтаж, ички электр монтажы жана канализация боюнча иштер аяктады. Ички бүтүрүү иштеринин жүрүшү уланууда, фасад даяр, тосмолор орнотулган, ал эми жапсарлаш аймакты көрктөндүрүү иштери да активдүү жүргүзүлүүдө.
Бул долбоордун подрядчысы ОсОО «Рим и Ко» болуп саналат.
