Мэриянын маалымат кызматы берген маалыматка ылайык, имараттын жалпы аянты 2563 квадрат метрди түзөт, ал эми жер участогунун аянты 0,342 гектар. Проектте жертөлө кабаты менен беш кабаттуу имарат каралган, анда окуу кабинеттер, астрономиялык обсерватория, музей, конференц-зал, бий жана акт залдары, китепкана, спорт зал, ошондой эле жаш техникдердин билим алуусу жана чыгармачылык ишмердүүлүгү үчүн көптөгөн башка жайлар камтылган.
Кошумча аймакта спорттук воркаут аянтчасы, мектептик иш-чараларды өткөрүү үчүн жабык чатыр, автомодельдерди учуруу үчүн зона, картодром жана практикалык сабактар үчүн башка жайлар куруу пландалууда.
Учурда экинчи кабаттын жабылышын орнотуу иштери аяктады, ошондой эле инженердик тармактарды тартуу жана колонналарды куруу улантылууда.
Бул проекттин заказчысы Капиталдык курулуш башкармалыгы, ал эми подрядчысы ОсОО «Эссир Компани» болуп саналат.
