Бул маалыматты райондук администрация берди.
Иш-чарага өкмөт башчысынын орун басары жана суу ресурстары, айыл чарба жана кайра иштетүү өнөр жайы министри Бакыт Торобаев катышты. Ал фермерлер, дехканчылар жана айыл чарба кызматкерлеринин өкүлдөрү менен жолугушту.
Жолугушууда «3+2+1» агрардык тармактагы долбоордун жыйынтыктары жана ишке ашырылышы талкууланды. Район башчысы Ниязбек Козуев айыл чарба тармагындагы жетишкендиктерди белгилеп, аталган долбоордун алкагында жасалган иштер тууралуу маалымат берди.
Ошондой эле иш-чаранын катышуучулары райондо иштеп жаткан айыл чарба жана өнөр жай ишканаларынын иши менен таанышууга мүмкүнчүлүк алышты.
