Тантаналык иш-чара 17-октябрда Чүй облусундагы президенттин өкүлчүлүгүнүн акт залында өттү. Иш-чара кыргыз спортунун 100 жылдыгына жана өлкөнүн балдар-өспүрүмдөр спорт мектептеринин тарбиялануучулары катышкан «Мен-Чемпион» Спартакиадасынын жыйынтыктарын чыгарууга арналды.
Кыргыз Республикасынын Министрлер Кабинетинин алдындагы мамлекеттик физикалык культура жана спорт агенттигинин орун басары Улан Кыдырбаев Жайыл районунун спорт мектептеринин машыктыруучуларына, ардагерлерине жана директорлоруна сыйлыктарды тапшырды.
Сыйланган спорт ардагерлеринин арасында Владимир Тен, Нааматбек Сегизбаев жана Орозбек Тойгонбаев бар, алар «Кыргыз спортунун 100 жылдыгына» арналган эстелик медалдарын алышты.
Мамлекеттик физикалык культура жана спорт агенттигинен ардактуу грамоталар төмөнкү машыктыруучуларга тапшырылды: Наталья Петрова (баскетбол), Мээрим Усуева (волейбол), Руслан Туленов (бокс) жана Виктория Филькова (жеңил атлетика).
Бокс боюнча машыктыруучу Айбек Алымкулов «Кыргызстандын физикалык культура жана спорт отличниги» төш белгисине ээ болду.
«Кыргыз спортунун 100 жылдыгына» арналган эстелик медалдарын дагы төмөнкү машыктыруучулар алышты: Ташкенбай Абдиев (волейбол), Козубай Шеркозуев (дзюдо), Темирбек Долотбаков (тогуз коргоол), Мурат Курманалиев (грек-рим күрөшү), Замирбек Бадакеев (эркин күрөш), Осмонкул уулу Кумар (эркин күрөш), Наталья Петрова (баскетбол), Вячеслав Абрамов (жеңил атлетика), Азизбек Авазканов (бокс), Темирлан Сатаров (бокс), Айбек Алымкулов (бокс) жана Владислав Геращенко (футбол).
Мындан тышкары, эстелик медалдар Жайыл районунун балдар-өспүрүмдөр спорт мектептеринин директорлору Нуржан Суймоналиевге жана Айше Сариевага, ошондой эле «Манас» спорт комплекси директору Бекжан Кожонтаевге тапшырылды.
