Бул семинар 23 жана 24-октябрда өтүп жатат, Япониядан келген эксперттер кыргызстандык машыктыруучулар жана адистер менен өз билимдери жана тажрыйбалары менен бөлүшүүдө. Иш-чаранын темасы "Жаштар футболун өнүктүрүүнүн философиясы жана JFAнын даярдоо методикасы".
Семинарды ачууда КФСтин биринчи вице-президенти Нурдин Букуев эл аралык тажрыйба алмашуунун маанилүүлүгүн белгилеп, JFA менен кызматташтык жаштар футболунун өлкөдө өнүгүшүнө жардам берет деген үмүтүн билдирди.
Семинарда япон эксперттери: JFAнын машыктыруучуларын даярдоого жооптуу Шимпей Ито жана семинардын улук машыктыруучусу жана окутуучусу Хироюки Нисидзима катышууда.
Семинар учурунда япон адистери өз философиясын, машыктыруучуларды окутуунун заманбап ыкмаларын, ошондой эле жаш футболчулар менен иштөө боюнча практикалык методикаларын сунуштайт, бул Кыргызстандагы футбол билим берүү деңгээлин жогорулатууга жардам берет.
