Франциянын тышкы иштер министрлигинин өкүлдөрү Бишкекте жакын арада Кыргызстандын жарандарына виза берчү визалык пункт ачыларын жарыялашты. Мындан тышкары, Францияда Кыргыз Республикасынын дипломатиялык өкүлчүлүгүн ачуу маселеси талкууланууда. Бул тууралуу өлкөнүн Тышкы иштер министрлигинин басма сөз кызматы бейшемби күнү билдирди.
Маалыматка ылайык, жогоруда аталган билдирүүлөр Парижде өткөн Жогорку Кеңештин жана Франциянын Улуттук жыйынынын депутаттарынын жумушчу жолугушуулары жана жыйналыштары учурунда айтылган. Кыргызстандан жолугушууга беш парламенттик фракциянын делегаттары катышууда: Ирина Карамушкина (СДПК), Майрамкуль Тиленчиева («Ар-Намыс»), Гуласал Садырбаева («Ата Мекен»), Урмат Аманбаева («Республика»), Кантемир Мурзабеков («Ата-Журт»). Делегацияга ошондой эле Бельгиядагы Кыргыз Республикасынын Чрезвычайный жана Ыйгарым укуктуу элчиси Асеин Исаев кирди. Франция тараптан «Франция-Кыргызстан» достук тобунун төрагасы Жан-Поль Шантегэ баштаган топ катышты.
Күн тартибине парламент аралык кызматташтыктын жыйынтыктарын чыгаруу жана келечеги боюнча маселелер кирди, практикалык ишмердүүлүк боюнча тажрыйба алмашуу болду.
Ошондой эле француз тышкы иштер министрлигинин жетекчилиги менен жолугушуулар, Франциянын түштүк бөлүгүн электр энергиясы менен камсыз кылган гидроэнергетикалык компанияны зыярат кылуу жана Кыргызстанда укуктун үстөмдүгүн камсыз кылуу боюнча 10 миллион евро өлчөмүндөгү үч жылдык долбоорду ишке ашырууну пландаштырган «Укук жана эл аралык кызматташтык» агенттиги менен таанышуу болду.
Источник: K-News
