Форум гендердик багыттагы жашыл инновациялар жана Борбордук жана Батыш Азиядагы туруктуу өнүгүү боюнча актуалдуу маселелерди талкуулоо үчүн негизги платформага айланды.
Иш-чарага гендердик саясат жана жашыл технологиялар боюнча эксперттер, 2025-жылдагы CAREC сыйлыгынын лауреаттары, Регионалдык гендердик эксперттер тобунун өкүлдөрү, эл аралык уюмдардын өкүлдөрү, ошондой эле региондон аялдар-предпринимательдер чогулду.
Кыргызстандагы Азия өнүктүрүү банкынын (АӨБ) туруктуу өкүлчүлүгүнүн директору Чжен Ву жашыл инновациялар жана технологиялардын мүмкүнчүлүктөрүнө көңүл бурду. Ал булар гендердик теңдик жана климаттын өзгөрүшү менен байланышкан көйгөйлөрдү чечүүгө жардам бере аларын белгиледи.
Анын айтымында, "таза энергия, климатка ылайыкташтырылган айыл чарба жана туруктуу инфраструктура аялдардын ден соолукка болгон коркунучтарды азайтып, алардын жумуш жүктөмүн төмөндөтө алат. Цифрдык жана жашыл технологияларды киргизүү аялдар үчүн бизнес, инженерия жана лидерлик боюнча жаңы мүмкүнчүлүктөрдү түзөт."
Талкуулар учурунда катышуучулар БАРЭС алкагында жашыл технологияларды өнүктүрүү аялдардын ден соолугун жакшыртууга, төлөнбөгөн эмгекти кыскартууга жана жашыл жумуш орундарынан аялдар-предпринимательдерди кеңейтүүгө жаңы мүмкүнчүлүктөрдү ачууга көмөктөшө алат деп белгилешти.
Жашыл инновациялар системалык өзгөрүүлөргө алып келиши, коомдордун туруктуулугун бекемдөөгө жана CAREC регионун туруктуу жана инклюзивдүү өнүгүү максаттарына жакындатууга жардам берет дегенге өзгөчө көңүл бурулду.
Экономика жана соода министринин орун басары Султан Ахматов өкмөт 2022-2026-жылдарга аялдар-предпринимательдерди өнүктүрүү программасын иштеп чыкканын, бул аспектти ишкердик мыйзамдарында бөлүп көрсөткөнүн, бул өлкөдөгү аялдар бизнесин колдоонун маанилүүлүгүн баса белгилегенин билдирди.
Ал кошумчалады: "Бул иш-чара пикир алмашуу үчүн платформа берет, бул жерде коңшу өлкөлөр - Өзбекстан, Тажикстан, Казакстан, ошондой эле Азербайжан жана Грузия делегацияларынын өкүлдөрү бар."
Форум конструктивдүү диалог жана шыктандыруу атмосферасында өтүп, аялдардын жашыл экономикадагы ролун күчөтүүгө багытталган тажрыйба алмашуу, жаңы өнөктөштүктөрдү түзүү жана биргелешип чечимдерди издөө үчүн платформага айланды.
Иш-чараны уюштуруу БАРЭС Программасы, ОБСЕ Академиясы, ПРООН Кыргызстанда, Европа реконструкция жана өнүктүрүү банкы (ЕБРР), "Элдик Банк" жана "Юнисон" компаниялар тобу тарабынан колдоого алынды.
Форум аялдар лидерлигин бекемдөөгө, жашыл инновацияларды илгерилетүүгө жана Борбордук Азияда туруктуу өнүгүү максаттарына жетүүгө маанилүү кадам болуп калды.
