Форум 2009-жылдан бери жаштар уюмдарынын лидерлери, эксперттер жана чыгармачыл жаш элита, ТМД мамлекеттеринин мамлекеттик органдарынын өкүлдөрү, Содружествонун профилдик ведомстволорунун ортосунда диалог үчүн аянтча болуп саналат.
III Жаш интеллектуалдар форумунун максаттары: Содружествонун жаштарынын экологиялык кыймылын жана экотуризмди өнүктүрүү боюнча жалпы стратегияны иштеп чыгуу; жаштар арасында экология жана туризм боюнча маселелерди актуалдаштыруу; жаштардын маданий-билим берүү туризмин өнүктүрүү боюнча мамлекеттер аралык кызматташтык; жаштар арасында саламаттыкты сактоо жана экологияны популяризациялоо; Содружествонун аймагында тарыхый-мәдени мурастарды жана табигый байлыктарды сактоо.
Форумдун милдеттери: социалдык активдүү жаштар үчүн тренингдер жана талкуу аянтчаларын түзүү; жаштар уюмдары арасында биргелешкен демилгелерди колдоо жана тажрыйба алмашуу; экокультуралык туризм боюнча мамлекеттер аралык жаштар долбоорлорун даярдоо; Содружествонун өлкөлөрүндө экокультуралык туризм маселелерин чечүүдө жаштар кыймылын колдоого маданият, илим, массалык маалымат каражаттары, башкаруу системасы жана бизнес өкүлдөрүнүн көңүлүн буруу.
Секциялардын тематикасы: 1) Табиятты коргоо жана экокультуралык туризм боюнча кызматташтык стратегиясы; 2) Табиятты коргоо жана экокультуралык туризм боюнча инновациялар жана демилгелер; 3) Жаштар арасында табиятты коргоо маданиятын жана экокультуралык туризмди илгерилетүү; 4) ТМД өлкөлөрүндө маданий мурастарды сактоодо жана маданий-билим берүү туризмин өнүктүрүүдө жаштардын ролун бекемдөө (ЮНЕСКО менен биргеликте).
Форумга ТМД өлкөлөрүнүн жаштар уюмдарынын лидерлери 20-35 жаштагы, экология жана туризм, маданий жана табигый мурастарды коргоо боюнча эксперттер, маданият жана искусство өкүлдөрү, журналисттер жана башкалар катышат.
