Алты жолку КР боюнча дзюдодон чемпион кыз Венгрияга сапарга демөөрчүлөрдү издөөдө

Эл аралык класстагы спорт чебери Мээрим Момунова Венгриянын борбору Будапештте 12-14-июнунда өтө турган рейтингдик Гран-При боюнча дзюдого катышуу үчүн чакыруу алды. Бул сапар 2016-жылы өтө турган Олимпиада оюндарына жана августтун аягында Астанада өтө турган дүйнө чемпионатына даярдык катары уюштурулууда.

Мээримдин айтымында, бул сапар спонсордук колдоо табууга байланыштуу.

«Сапар болжол менен 150 миң сомго түшөт. Бул суммага авиаперелет, мейманканада туруу жана тамак-аш кирет. Будапешттеги мелдештен мурун, бардык катышуучулар Любляна (Словения) шаарында биргелешкен окуу-даярдык жыйынында катышышат» - деп белгиледи Мээрим.
Кыргызстандык спортчу, колдоо жок болсо да, келечектеги мелдештерге активдүү даярданып жатат.

«Мен бардык адамдардан дзюдо мелдештерине катышуу үчүн финансылык колдоо көрсөтүүнү суранам. Мен 100 пайыз аракет кылууга даярмын жана өлкөнүн намысын коргоо үчүн күрөшүүгө даярмын» - дейт 25 жаштагы спортчу.


Маалымат үчүн:
Мээрим Момунова – КРнын улуттук аялдар командасынын мүчөсү, КРнын эл аралык класстагы спорт чебери, КРнын чемпионаттарында жана биринчи орундарында көп жолу жеңген, Ачык республикалык турнирдеги, «А» класстагы эл аралык турнирдеги, Азия чемпионатынын жана Ачык Европа Кубогунун медалдарынын ээси.