Бул мекеме 130 баланы кабыл алууга жөндөмдүү, мурда эски мектеп катары иштеп келген. Азыр ал капиталдык оңдоп-түзөөдөн жана реконструкциядан өттү.
Бала бакча Сырт, Ынтымак жана Жаңы Сырт айылдарынан тарбиялануучуларды кабыл алат.
Оңдоп-түзөө иштерин ашара ыкмасы менен жүргүзүштү, ошондой эле демөөрчүлөр тарабынан колдоо көрсөтүлдү. Айыл өкмөтү 650 миң сом бөлгөн, ал эми кошумча каражаттар райондук жана облустук өнүктүрүү фондорунан келип түшкөн. Бардык иштердин жалпы наркы 12 млн сомду түздү.
Мурда Сырт айылындагы ата-энелер балдарын жакынкы айылдарга же Айдаркен шаарында мектепке чейинки билим алуу үчүн жөнөтүүгө мажбур болушкан.
