Анын айтымында, реформанын башталышында республикада 452 айыл өкмөтү иштеп, анда 10 миңге жакын кызматкер болгон.
«Реформа аяктагандан кийин айыл өкмөттөрдүн саны 230га кыскарды. Жакында эле бир айыл өкмөтүнүн негизинде Гульча шаарын түзүү боюнча чечим кабыл алынды. Реформанын натыйжасында системада 6 миң муниципалдык кызматкер калды, бул жылына болжол менен 2 миллиард сомду үнөмдөөгө мүмкүндүк берди. Бул каражаттар айыл өкмөттөрүнүн өнүгүшүнө жумшалды», — деп кошумчалады Базарбаев. Ал ошондой эле алсыз айыл өкмөттөрүн күчтүү айыл өкмөттөр менен бириктирүү процесси кылдат пландалганын баса белгиледи.
Ошондой эле, АТР классикалык схема боюнча ишке ашырылганын, биринчи райондук деңгээлде, андан кийин оң натыйжаларды баалап, облустук деңгээлге өткөнүн белгиледи. 2024-жылы реформа өлкөнүн бардык аймактарын камтышы керек.
