Алардын маалыматы боюнча, жеңил унаанын жүргүнчүлөрү жаракат алып, тез жардам менен медициналык мекемеге жеткирилген.
Окуяны Ысык-Көл облусунун жол коопсуздугу бөлүмү тастыктады.
Ведомствонун маалыматына ылайык, авария 3-декабрда «Балыкчы–Бөкөнбаев–Каракол» автожолунун 214,500-километринде Ырдык айылына бурулушта болгон. Жүк унаасынын «Mercedes-Benz Sprinter» айдоочусу кыймылда жүргөн учурда «Audi-100» унаасы менен кагылышкан.
Окуянын натыйжасында «Audi-100» унаасынын айдоочусу жана анын жүргүнчүлөрү Ысык-Көл облустук ооруканасына медициналык жардам алуу үчүн кайрылууга мажбур болушту. Жол кырсыгы тууралуу маалымат Жети-Огуз РОВДсынын электрондук журналында катталган, учурда тиешелүү текшерүү жүргүзүлүүдө.
