Окуя тууралуу маалымат Ош облусунун ИИБнин Жол кыймылынын коопсуздугу боюнча башкармалыгынын өкүлдөрү тарабынан тастыкталды.
Ведомствонун маалыматы боюнча, 28-ноябрда таңкы саат 04:00 чамасында Ош—Сары-Таш—Эркештам эл аралык унаа жолунун 102-кминде, Алай районундагы Күн-Элек айылына жакын жерде кагылышуу болду. «FAW-JIEFANG CA6DM-3-55E52AMT» маркасындагы жүк ташуучу унаанын рулунда 1995-жылы туулган Гүлчө шаарынын тургуну А.М.М. отурган. Ал Эркештама тарапка бараткан. Ошол учурда ага каршы багытта 39 жаштагы Р. уулу Б. башкарган, Гүлчө шаарынын дагы бир тургуну болгон «Volkswagen Passat» жеңил унаасы каршы тилкеге чыгып кетти.
ООБДДнын маалыматы боюнча, жеңил унаанын айдоочусу каршы тилкеге чыгып кеткен, бул кагылышуунун себеби болду. Тилекке каршы, ал кырсыктын болгон жеринде каза болду.
