Авиакомпания «Avia Traffic Company» (Авиа Траффик Компани)
Авиа компаниясы «Avia Traffic Company» 2003-жылдын 20-июнунда негизделген. Компаниянын уюштуруу-укуктук формасы – Жоопкерчилиги чектелген коом. Негиздөөчүлөр жеке адамдар - Кыргыз Республикасынын жарандары. Компанияда 23 номерлүү иштетүү сертификаты бар, ал Кыргыз Республикасынын Транспорт жана байланыш министрлигинин Жарандык авиация агенттиги тарабынан берилген, ошондой эле Кыргыз Республикасынын аймагында жана башка багыттарда жүргүнчүлөрдү, жүк жана почтаны ташууга лицензиялары бар. «Avia Traffic Company» компаниясына төмөнкү коддор берилген: ICAO (ИКАО) – AVJ, IATA (ИАТА) – YK, ТКП-ТФ.
2004-жылы авиа компания заказдык жана ички республикалык регулярдык авиарейстерди L-410 жана АН-24 учактары менен аткарууга киришкен. 2008-жылы «Avia Traffic Company» Алматы, Душанбе, Новосибирск шаарларына эл аралык авиарейстерди аткаруу менен ишин кеңейтти.
2010-жылдан баштап авиа компания британдык турбо-реактивдик ВАе 146-200 учактарын пайдаланууга киришти. Бул Россия Федерациясынын аймагында (Екатеринбург, Казань) учуу географиясын кеңейтүүгө, ошондой эле Урумчи (Кытай), Мешхед (Иран) шаарларына рейстерди аткарууга мүмкүнчүлүк берди.
2011-жылдан тартып «Avia Traffic Company» акырындык менен өзүнүн паргын толуктап, Boeing 737-300 учактарын сатып алды, бул Москва жана Санкт-Петербург шаарларына рейстерди аткарууга мүмкүнчүлүк берди.
Учурда авиа компаниясынын иши Кыргыз Республикасынын «Манас» жана «Ош» аэропортторунан Россиянын шаарларына – Москва, Санкт-Петербург, Екатеринбург, Новосибирск, Сургут, Казань, Иркутск, Красноярск шаарларына рейстерди аткарууга багытталган. Ошондой эле Алматы жана Душанбе шаарларына регулярдык учууларды улантууда. Бишкектен Ошко күн сайын рейстер аткарылат.
Авиа компаниянын паркы 148 орундуу 4 Boeing 737-300 учагынан жана 99 орундуу 1 ВАе 146-200 учагынан турат.
«Avia Traffic Company» учактарды оперативдүү тейлөө үчүн Манас аэропортунда жайгашкан өзүнүн сертификатталган авиация-техникалык базасына ээ. Техникалык тейлөө формалары «Сибирь Техник» (Новосибирск, РФ) базасында Boeing 737-300 учактары үчүн, жана «Air Bulgaria» (София, Болгария) авиакомпаниясынын базасында ВАе 146-200 учактары үчүн жүргүзүлөт.
Компаниянын аба кемелери үчүн базалык аэропорттор «Манас» жана «Ош» аэропорттору болуп саналат.
Багыт боюнча расписание
Шаар үчүн расписание
Учуу расписаниеси
