Юбилейдик иш-чара мэриянын чоң конференц-залында өтүп, анда мэрдин орун басары Кубанычбек Иманалиев, маалымат борборунун директору Кабылбек Кочконбай уулу, ошондой эле жергиликтүү мекемелердин жана ЖМКнын жетекчилери катышты.
Маалымат борборунун түзүлүшү 2015-жылга таандык. Бул жылы шаардык кенештин чечими жана мэриянын буйругу менен «Жалал-Абад үнү» гезитинин редакциясынын базасында «Маалымат борбору» түзүлгөн. 20-ноябрда борбор юстицияда катталып, өз алдынча юридикалык жак статусун алган.
Түзүлгөн күндөн бери Маалымат борборун үч директор жетектеп келген, учурда анда 8 кызматкер эмгектенет.
